Lög
nr. 134/1993, um iðnaðarmálagjald.*1)
*1)Sbr. lög nr. 81/1996, 129/2004 og 21/2009.
1. gr.
(1) Leggja skal 0,08% gjald, iðnaðarmálagjald, á allan iðnað í landinu eins og hann er skilgreindur í 2. gr. Skal gjaldstofn þess vera velta skv. 11. gr. laga um virðisaukaskatt að meðtalinni veltu sem undanþegin er virðisaukaskatti skv. 12. gr. þeirra laga.
[---]1)
(2) Um álagningu og innheimtu iðnaðarmálagjalds fer samkvæmt ákvæðum VIII.-XIV. kafla laga um tekjuskatt [---]2) eftir því sem við á.
(3) Í ríkissjóð skal renna 0,5% af innheimtu iðnaðarmálagjalds skv. 1. mgr. vegna kostnaðar ríkissjóðs við innheimtu þess.
(4) Iðnaðarmálagjald má draga frá tekjum þess rekstrarárs þegar stofn til þess myndast.
1)Sbr. 1. gr. laga nr. 81/1996. 2)Sbr. 102. gr. laga nr. 129/2004.
(1) [Til iðnaðar telst öll starfsemi sem fellur undir atvinnugreinanúmer sem upp eru talin í viðauka við lög þessi.
(2) Undanþegin gjaldinu eru fyrirtæki sem að öllu leyti eru í eign opinberra aðila, svo og fyrirtæki sem stofnuð eru samkvæmt sérstökum lögum til að vera eign opinberra aðila að verulegu leyti nema annars sé getið í þeim lögum.]1)
1)Sbr. 2. gr. laga nr. 81/1996.
Tekjur af iðnaðarmálagjaldi renna til Samtaka iðnaðarins. Tekjunum skal varið til þess að vinna að eflingu iðnaðar og iðnþróunar í landinu. Þau skulu senda iðnaðarráðuneytinu árlega skýrslu um ráðstöfun andvirðis teknanna.
Lög þessi öðlast þegar gildi...